Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சின்னக்கதை | சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | மேலோர் வாழ்வில் | மேலும்
February 2005 Issue
ஆசிரியர் பக்கம் | நேர்காணல் | மாயாபஜார் | இலக்கியம் | முன்னோடி | அன்புள்ள சிநேகிதியே | நலம்வாழ | நூல் அறிமுகம் | சிறப்புப் பார்வை
குறுக்கெழுத்துப்புதிர் | சூர்யா துப்பறிகிறார் | சிறுகதை | புதிரா? புரியுமா? | சமயம் | வார்த்தை சிறகினிலே | பொது | சினிமா சினிமா | Events Calendar
எழுத்தாளர் | இளந்தென்றல் | நிகழ்வுகள் | வாசகர் கடிதம் | தமிழக அரசியல் | புழக்கடைப்பக்கம் | கவிதைப்பந்தல்
Tamil Unicode / English Search
கவிதைப்பந்தல்
சுனாமி 2004
இதற்கென்ன தண்டனை?
சுனாமி பேசுகிறேன்..
கடலுக்கு ஒரு மடல்
- அம்புஜவல்லி தேசிகாச்சாரி|பிப்ரவரி 2005|
Share:
பாலைவனமாய் இந்தப் பாரகம் மாறிடாது
சேலையாய் புவிதன்னைச் சுற்றி நிற்கும் வேலி நீ, ஓர்
காலையில் கரைமீறி கடுஞ்சினத்தால் தீதிழைத்த
வேலையே! இன்றுனக்கு ஓலையொன்று விடுத்திடுவேன்.

அலைபாயும் நெஞ்செனவே ஆர்ப்பரித்து ஆடிடினும்
நிலையுணர்ந்துன் எல்லைதனை நீயே அமைத்திடுவாய்
நிலமகளின் அடி வருடி சிறு மகவாய்க் கொஞ்சிடுவாய்
நிலை மறந்து பொங்கியதேன் நீள்கடலே நீயுரைப்பாய்.

நித்தில வகைகள் பல கோடியுண்டு உன்னகத்தே
முத்துடனே போட்டியிடும் நற்பவளம் பற்பலவாம்
இத்தனையும் போதாவோ? பெருங்கடலே எங்களுடை
ரத்தினமாம் மக்களை நீ கவர்ந்திடப் பேராசை கொண்டாய்.

தாய்தந்தை தமையிழந்து தவித்திடுவோர் ஓர்புறமும்
சேயர்க்கும் சிறியோர்க்கும் கடன் கழிப்பார் ஓர் புறமும்
பேயலையே உன் வீச்சால் பொருளிழந்தார் ஓர் புறமும்
மாய விளையாட்டுனக்கு; மரண அடி எந்தமக்கு!
என்றோ ஓர் நாளில் யுகமுடியும் என்றிடுவார்;
இன்றந்த நாளின் சுவை கொஞ்சம் காட்டினையோ?
பொன்றுந்துணையும் பெருவடவைக் கனலெனவே
குன்றா எரி நெஞ்சில் மூட்டினையே குரை கடலே?

ஆழ் நெஞ்சின் சீற்றத்தை அலையாய் அனுப்பிவிட்டு
ஊழிக் கூத்தாடி விட்டாய் உவரியே நீ ஓர் நொடியில்
பாழ்பட்ட புவி நிமிர்த்த பலகரங்கள் உதவிடுமே
ஆழியே எம் சாதனை நீ அமைதியுடன் கண்டிட வா!

அம்புஜவல்லி தேசிகாச்சாரி
More

சுனாமி 2004
இதற்கென்ன தண்டனை?
சுனாமி பேசுகிறேன்..
Share: