கூடலழகி
'கூடலழகி' என்பது, 'கல்கி' இதழில், காலச்சக்கரம் நரசிம்மா அவர்கள் எழுதிய வரலாற்றுத் தொடர்கதை. அந்தத் தொடருக்கு வரைவதற்கு எனக்கு வாய்ப்பு வந்தபொழுது நான் மிகவும் மகிழ்ந்தேன். கதையை முழுக்கப் படித்து, எந்தக் காட்சிக்கு எப்படி ஓவியம் அமைந்தால் சிறப்பாக இருக்கும் என்று சிந்தித்து, அதற்கேற்பப் படம் வரைந்தேன். ஒவ்வொரு அத்தியாயத்திற்கும். காட்சியமைப்பு வெவ்வேறு விதமாக இருக்க வேண்டுமென்று திட்டமிட்டு வரைந்தேன். சவாலான விஷயங்களைக் கூட எளிமையாக எடுத்துக்கொண்டு வரைந்தேன். அந்த ஓவியங்கள் பலராலும் பாராட்டப்பட்டன.

- ஓவியர் தெய்வா

மன்னர்களும் நானும்
நான் சிறுவயது முதலே பழைய திரைப்படங்களை நிறையப் பார்ப்பேன். புராணப் படங்களும், வரலாற்றுப் படங்களும் எனக்கு மிகவும் பிடிக்கும். அதில் நடிப்பவர்கள் உணர்ச்சிகளை வெளிப்படுத்தும் விதம் எனக்கு மிகவும் பிடிக்கும். நமது தமிழ் மன்னர்களுக்கும், தமிழ் வீரர்களுக்கும் உருவம் இல்லாமல் இருந்தது. அவர்களுக்கு நான் உருவங்கள் கொடுக்க முற்பட்டேன். அப்பொழுதுதான் பல சமூகத்தினருக்கும் என்னைத் தெரிய ஆரம்பித்தது. அவர்கள் மனதில், எண்ணத்தில் இருந்ததைவிடச் சிறப்பாக நான் செய்யும் பொழுது அவர்கள் உற்சாகம் அடைகின்றனா். பாராட்டுகின்றனர்.

நம் சிற்பங்களில் இடம் பெற்றிருக்கும் பழமையான உடை, அலங்காரம், நகை போன்றவற்றை நான் கூர்ந்து கவனிப்ப்பேன். அனைத்து ஓவியங்களிலும் தமிழ்ச் சாயல் இருக்க வேண்டும்; தமிழ் மண் சார்ந்து இருக்க வேண்டும் என்று நினைப்பேன். ஒவ்வொரு ஓவியத்திலும் மண்ணின் மணத்தை வெளிப்படுத்தி வருகிறேன்.

- ஓவியர் தெய்வா

ஒண்டிவீரன் படமும் சிலையும்
ஒண்டிவீரன் ஓவியத்தை வரைந்த பின்னர், அதனுடைய சிலையையும் செய்தேன். இந்தச் சிலையை வைத்து ஆர்ப்பாட்டமும் செய்தாா்கள் அதன்பின் தமிழக அரசு இதேபோல், திருநெல்வேலியில், 'நெல்கட்டும்செவல்' என்னுமிடத்தில் மணிமண்டபத்தினுள் வெண்கலைச் சிலை அமைத்தது.

இப்பொழுது நான் வரைந்த 'ஒண்டிவீரன்' ஓவியமே தபால் தலையாகவும் வெளிவந்திருப்பது மிகுந்த மகிழ்ச்சியையும், நிறைவையும் தருகிறது.

- ஓவியர் தெய்வா

முகநூல் பக்கம் | ட்விட்டர் | இன்ஸ்டக்ராம் | வலைதளம்