Tamilonline - Thendral Tamil Magazine - மாயாபஜார் - தயிர்ப் பச்சடி வகைகள்

New User? | Forgot Password? | Email: Password: Login

April 2005 Issue

Tamil Unicode / English Search

மாயாபஜார்

< Prev | Index | Next >

தயிர்ப் பச்சடி வகைகள்
- தங்கம் ராமசாமி\|ஏப்ரல் 2005\|	Share:

நெல்லிக்காய்ப் பச்சடி

தேவையான பொருட்கள்

பச்சை நெல்லிக்காய் - 7 அல்லது 8
தேங்காய் - 1 தேக்கரண்டி
பச்சை மிளகாய் - 3
உப்பு - 1 தேக்கரண்டி
தயிர் - 1 கிண்ணம்
கடுகு - 1 தேக்கரண்டி
சிவப்பு மிளகாய் - 1
பெருங்காயம் - சிறிதளவு
இஞ்சி - 1 துண்டு
எண்ணெய் - தாளிப்பதற்கு
கறிவேப்பிலை, கொத்துமல்லி -தேவைக்கேற்ப

செய்முறை

நெல்லிக்காயை குக்கரில் சாதம் வைக்கும் போது வைத்து, வெந்தவுடன் எடுத்து, விதைகளை நீக்கி, மிளகாய், தேங்காய், இஞ்சி சேர்த்து மிக்சியில் அரைத்து எடுக்கவும்.

பிறகு தயிரில் உப்புப் போட்டு அரைத்த விழுதை போட்டு கலக்கவும். கடுகு, பெருங்காயம் தாளித்து, கொத்துமல்லி, கறிவேப்பிலை போடவும்.

வேகவிடாமல் பச்சை நெல்லிகாயை அரைத்தும் செய்யலாம். தேவையானால் சிவப்பு மிளகாய் தாளிக்கவும். காய்ந்த நெல்லிக்காயை நெல்லிமுள்ளி என்பார்கள். அதையும் இதே போல் வேகவிட்டுத் தேங்காய் அரைத்துக் கலந்து மிளகாய், கடுகு, பெருங்காயம் தாளித்துச் செய்யலாம்.

தங்கம் ராமசாமி

< Prev | Index | Next >