Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சின்னக்கதை | சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | மேலோர் வாழ்வில் | மேலும்
June 2005 Issue
ஆசிரியர் பக்கம் | நேர்காணல் | மாயாபஜார் | இலக்கியம் | முன்னோடி | அன்புள்ள சிநேகிதியே | நலம்வாழ | சாதனையாளர் | புழக்கடைப்பக்கம்
குறுக்கெழுத்துப்புதிர் | சூர்யா துப்பறிகிறார் | சிறுகதை | சமயம் | வார்த்தை சிறகினிலே | தமிழக அரசியல் | பொது | சினிமா சினிமா | Events Calendar
எழுத்தாளர் | இளந்தென்றல் | நிகழ்வுகள் | வாசகர் கடிதம்
Tamil Unicode / English Search
நலம்வாழ
சத்துணவுப் பிரமிடு
- மரு. வரலட்சுமி நிரஞ்சன்|ஜூன் 2005|
Share:
Click Here Enlargeஅமெரிக்க விவசாயத்துறை 2005-ம் ஆண்டிற்காக அறிவித்துள்ள சத்துணவுப் பிரமிடைப் பற்றி நாம் காணலாம். இந்தப் பிரமிடை நீங்கள் www.mypyramid.gov என்ற தளத்தில் காணலாம்.

இந்தப் பிரமிடு பல வேறு கருத்துகளை உள்ளடக்கியுள்ளது. தற்கால நடைமுறையை மனத்தில் கொண்டு வலைதளம் அமைக்கப் பட்டுள்ளது. அலுவல் காரணமாக தினமும் அல்லது அடிக்கடி வெளியே உண்பது, வீட்டு உணவை எப்போதாவது உண்பது என்னும் பழக்கம் பெருகி வருவதைக் கருத்தில் கொண்டும், அவரவரின் அவசரம், விருப்பம் ஆகிவற்றிற்கு ஏற்பவும் இந்தப் பிரமிடு அமைக்கப்பட்டுள்ளது.

இந்த பிரமிடுக்குக் குறிப்பாக சில நடைமுறை விதிகள் உள்ளன. நாம் உடற்பயிற்சி செய்வது பிரமிடின் உச்சியை அடைய உதவுகின்றது. அன்றாட உணவில் கொழுப்பு சத்து மற்றும் சர்க்கரையின் அளவைப் பொறுத்து பிரமிடின் கீழ்ப் பகுதி அகன்றும் மேல் பகுதி குறுகியும் கொடுக்கப்பட்டுள்ளன. அதாவது அதிகமான கொழுப்புச் சத்து உள்ள உணவுகளும், சர்க்கரை சேர்க்கப்பட்ட உணவுகளும் மிகக் குறைந்த அளவே உட்கொள்ளலாம் என்பதால் பிரமிடின் மேல் பகுதியில் குறிக்கப்பட்டுள்ளன.

அவரவரின் தேவைக்கு ஏற்ப உணவுப் பழக்கத்தை மாற்றி அமைத்துக் கொள்ள www.mypyramid.gov என்ற வலைதளம் ஏற்படுத்தப்பட்டுள்ளது. இந்த வலை தளத்தில் உங்களது எடை, உயரம், உடற்பயிற்சியின் அளவு ஆகியவற்றிற்கு ஏற்ப உணவுப் பிரமிடு நிர்ணயிக்கப்படுகிறது.

இந்தப் பிரமிடில் கொடுக்கப்பட்டுள்ள உணவு வகைகள் பல்வேறு வண்ணத்திலும் பலவித அளவுகளிலும் அமைந்துள்ளன. இவை நடைமுறை வாழ்க்கையில் நாம் உட்கொள்ளும் பலவிதமான உணவு வகைகளையும், அளவுகளையும் குறிக்கின்றன. மேலும் பல வருடங்களாக மேற்கொண்ட பழக்கங்களை உடனடியாக மாற்ற முடியாது என்பதால் மெல்ல மெல்ல மாற்றம் ஏற்படுத்தவும் இந்தப் பிரமிடில் வழியுள்ளது.

இந்தக் காரணங்களால் சத்துணவுப் பிரமிடு நடைமுறைச் சாத்தியமான ஒன்றாக அமைந்துள்ளது. மேலும் இந்த வலை தளத்தில் ஒருவரின் வயது, செயல்படும் அளவு கொண்டு கலோரிக் கணக்கு நிர்ணயிக்கப்படுகிறது. அப்படி நிர்ணயிக்கப்படும் கலோரிகளை வெவ்வேறு உணவு வகைகளிலிருந்து எப்படிப் பெறலாம் என்று ஆலோசனை வழங்கப்படுகிறது.

உதாரணத்திற்கு, 25 முதல் 30 வயதுடைய ஆண்கள் குறைந்த உடலுழைப்புக் கொண்டவர்களானால் (Sedantary life style) 2400 கலோரிகளே உண்ணலாம். ஆனால் அவர்கள் நடுத்தரமாக செயல்பட்டால் 2800 கலோரிகளும் அதிகமாக ஓடியாடிச் செயல்பட்டால் 3000 கலோரிகளும் உட்கொள்ளலாம். இதே வயதுடைய பெண் களுக்கு அவர்களின் உடல் உழைப்புக்கு ஏற்பக் கலோரிகள் வேறுபடுகின்றன.

இந்த வலைத்தளத்தில் சில முக்கியமான ஆலோசனைகள் கொடுக்கப்பட்டுள்ளன. என்ன, எப்படி, ஏன் என்ற கேள்விகள் விவாதிக்கப்படுகின்றன.
தானிய வகைகள், காய்கறிகள், பழ வகைகள் அதிகமாகவும் பால் மற்றும் தயிர், மாமிசம், முட்டை ஆகியவற்றை நடுத்தர அளவிலும் எண்னெய், வெண்ணெய் போன்ற கொழுப்புச் சத்து உள்ள உணவுகளை மிகமிகக் குறைவான அளவிலும் உட் கொள்ள அறிவுரை வழங்கப்படுகிறது. இந்த வலைதளத்தில் இலவசமாக ஆலோசனைகளும், பல விதமான நடைமுறை உணவு மாதிரிகளும் கொடுக்கப்பட்டுள்ளன. இதில் முக்கியமான குறிப்புகள் சிலவற்றை ஆராயலாம்.

தினமும் உடற்பயிற்சி செய்ய வேண்டும். நடைமுறையில் உங்களின் செயல்பாட்டை அதிகமாக்குங்கள். வாகனத்தில் குழந்தைகளைப் பள்ளிக்கு அழைத்து செல்லாமல் நடந்து செல்லுங்கள். கடை அல்லது அலுவலகத்தில் வாசலில் இருந்து தள்ளி வாகனத்ததை நிறுத்துங்கள். வாகனங்கள் நிறுத்தும் இடங்களில் சற்று நேரம் நடந்து செல்வது நல்லதே. கூடுமானவரை elevator அல்லது escalator உபயோகிக்காதீர்கள். படிகளில் ஏறிச் செல்லுங்கள். தொலைபேசியில் பேசுவதைக் குறைத்து அலுவலகத்துள் நடந்து சென்று உங்களின் தேவைகளைப் பூர்த்தி செய்து கொள்ளுங்கள்.

ஆசிரியர் தொழில் என்றால் நடந்த வண்ணம் பாடம் நடத்துங்கள். இதன் மூலமாக உங்களை நீங்களே sedantary வாழ்க்கையிலிருந்து ஒரு படி உயர்த்திக் கொள்ளலாம்.

எல்லா விதமான உணவுகளும் ஒருவரது வாழ்க்கை முறைக்கு அவசியமானது. புரதச் சத்தை மட்டும் உட்கொள்ளும் உணவு வகைகளும், கொழுப்புச் சத்தை அறவே ஒழித்து உண்பதும், குறைந்த சர்க்கரை (low carb) உணவு வழக்கங்களும் நீண்ட நாள் வாழ்க்கை முறைக்கு ஒத்துவராது. அது மட்டுமின்றி எல்லா வித உணவுகளையும் சேர்த்துக் கொள்வதன் மூலம் தேவையான அளவு விட்டமின் மற்றும் தாதுக்களைத் தேவையான அளவில் பெறமுடியும்.

மேலும் விவரங்களுக்கு www.mypyramid.gov என்ற தளத்தை உங்கள் விருப்பமான தளங்களின் அட்டவணையில் சேர்த்துக் கொள்ளுங்கள்.

மரு வரலட்சுமி நிரஞ்சன்
Share: 




© Copyright 2020 Tamilonline