Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | Events Calendar | மேலும்
February 2019 Issue
தென்றல் பேசுகிறது | நேர்காணல் | மாயாபஜார் | சினிமா சினிமா | சின்னக்கதை | அன்புள்ள சிநேகிதியே | பொது | சாதனையாளர் | சமயம்
சூர்யா துப்பறிகிறார் | Events Calendar | கவிதைப்பந்தல் | சிறப்புப் பார்வை | மேலோர் வாழ்வில் | நூல் அறிமுகம் | வாசகர்கடிதம் | சிறுகதை
எழுத்தாளர் | இளந்தென்றல் | நிகழ்வுகள்
கவிதைப்பந்தல்
நிலாச் சோறு
- கிருஷ்ணபிரசாத் பார்த்தசாரதி|பிப்ரவரி 2019|
Share: 
Click Here Enlargeபௌர்ணமி இரவில்
பொங்கிவரும் நிலவொளியில்
வானத்தில் ஆங்காங்கே
மினுமினுக்கும் விண்மீன்கள்
மொட்டை மாடியில்
கொட்டி முடித்ததொரு மழை இரவு

விரித்து வைத்த பாய் மேலே
விழித்திருக்கும் வாரிசுகள்
இடப்புறம் இரண்டும்
வலப்புறம் ஒன்றும்
பாட்டி தாத்தா மடியில்
தலா ஒன்றுமாக
அமர்ந்திருந்து அமுதுண்ணும்
அழகான தருணம்

காலாண்டு விடுமுறைக்கு
கிழவன் கிழவியைக் காண
வாரிசுகள் அனைவரும்
வந்திருந்த அதிசய வருடம்

தட்டிலே பிசைந்த பருப்புசாதம்
வீட்டிலே உருக்கிய நெய்யுடன்
உருளைக்கிழங்கு வறுவல்
குவளையில் சீரகத் தண்ணீர்

கதை சொல்லும் பாட்டிக்குத்
தலையாட்டும் பேத்தி
விடாது கேள்வியுடன் பொடியன்
விரைந்து விடை சொல்ல மற்றொருவள்
முதல் தலைமுறை கொடுக்க
மூன்றாம் தலைமுறை ருசிக்க
உருண்டை வடிவில்
உணவு விநியோகம்
கைகளில் இளைப்பாறிய பின்
வாய் அடைந்தது சிலருக்கு
நேராகச் சேர்ந்தது பலருக்கு

கதையின் ஒவ்வொரு திருப்பத்திலும்
உருண்டை விரைந்தோடியது
கை கழுவி வாய் கொப்பளித்து
முந்தானையில் முகம் துடைத்து
மடியில் இடம்பிடிக்க
முந்தி ஓடிவந்து
மீண்டும் பாட்டியைச் சூழ்ந்து
கை நீட்டி அமர்ந்தனர்

மைய அரைத்த மருதாணி
வெங்கலப் பாத்திரத்தில்
வெள்ளியின் ஒளிக்கீற்றில்
தங்கமாக மின்னியது
உள்ளங்கை மத்தியில்
வட்டப் பதக்கமாய் உருமாறியது

ஒவ்வொரு குழந்தையின் விரல்நுனிக்கும்
மருதாணிக் குல்லாய் போட்டுவிட்டாள்
கடைக்குட்டி கண்மணிக்கோ
கட்டைவிரலை மறந்துவிட்டாள்

உலர்ந்த மருதாணி
உதிர்ந்த சில துகள்கள்
உறக்கதேவதை கண்களை வருட
குழந்தைகளின் போர்வையில் மறைய
நிலவொளியில் நித்திரை

சொந்தங்கள் சூழ
நெஞ்சினில் நிம்மதி
கடைக்குட்டி மார்பினில்
கை சூப்பிக்கொண்டு கண்வளர்வாள்

கிருஷ்ணபிரசாத் பார்த்தசாரதி,
ஹார்ட்ஃபோர்டு, கனெக்டிகட்
Share: