Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | Events Calendar | மேலும்
May 2001 Issue
ஆசிரியர் பக்கம் | நேர்காணல் | மாயாபஜார் | தகவல்.காம் | ஜோக்ஸ் | சிறப்புப் பார்வை | நூல் அறிமுகம் | தமிழக அரசியல் | Events Calendar
எழுத்தாளர் | விளையாட்டு விசயம் | சினிமா சினிமா | குறுக்கெழுத்துப்புதிர் | சிறுகதை | வாசகர் கடிதம் | பொது | கவிதைப்பந்தல் | சமயம்
கவிதைப்பந்தல்
குழந்தை
உலகம் அன்பு மயம்
அம்மா
- ரேகா ராகவன்|மே 2001|
Share: 
Click Here Enlargeதாய்மையின் தலைவாசலில்
நான் நின்ற அன்று
அம்மா
உன் பரிபூரணம்
முகத்தில் அறைந்தது

வாழ்வின்
வலியும் வலிமையும்
சுமையும் சுவையும்
ரணமும் ரசமும்
தொலைப்பும் துறப்பும்
எடுத்துரைத்தாய்

வானும் நீரும்
நிலவும் நெருப்பும்
அப்பாவும் அகரமும்
அன்பும் அரவணைப்பும்
இசையும் அசைவும்
காட்டிக்கொடுத்தாய்

இடைவிடா(து) இடிவிழும் நேரம்
அமைதியாய் அடைகாத்த நீ
என் இமை மூடாது தவிக்கையில்
இதயம் வெதும்பி
உன் மென் கரத்தால்
என் துயர் துடைத்துத்
தோள் கொடுத்தாய்

பல மாதங்களுக்கு முன்
உன் மடியில் தலைவைத்த,
என் தலை கோதிய
உன் இதமான கைச்சூடு
என்னுள் இன்னும் பதிந்து
பாதுகாத்த புதையலாய்

பல்லாயிரம் மைல்களுக்கப்பால்
நீ இருப்பினும்
உன் விதிகளும்
வழிகளும்
வாஞ்சையும்
என்றென்றும் நீங்காமல் என்னோடு....
ரேகா ராகவன்
swathi17@hotmail.com
More

குழந்தை
உலகம் அன்பு மயம்
Share: