சக்கை (பலாப்பிஞ்சு) பொடிமாஸ்
தேவையான பொருட்கள்:
பலாப்பிஞ்சு (Baby Jackfruit) - 1
அரைத்துப் பொடி செய்ய:
மிளகாய் வற்றல் - 3
சீரகம் - 1 தேக்கரண்டி
தேங்காய் - சிறிதளவு
தாளிக்க:
தேங்காய் எண்ணெய் - 1 தேக்கரண்டி
கடுகு - 1 தேக்கரண்டி
உளுத்தம்பருப்பு - 1 தேக்கரண்டி
கறிவேப்பிலை - சிறிதளவு
மஞ்சள்தூள் - சிறிதளவு
உப்பு - தேவைக்கேற்ப
பெருங்காயம் - சிறிதளவு
செய்முறை:
பலாப்பிஞ்சின் தோலையும், நடுவிலுள்ள தண்டையும் அகற்றிவிட்டு, சதைப்பற்றைத் துண்டம் துண்டமாக நறுக்கி, உப்பு, மஞ்சள்தூள் போட்டுக் குழையாமல் வேகவைக்கவும். இதை மிக்ஸியில் ஒரு திருப்பு திருப்பிப் பொடி செய்து கொள்ளவும். தேங்காய் எண்ணெயில் கடுகு, உளுத்தம்பருப்பு, கறிவேப்பிலை, பெருங்காயம் தாளித்து, சக்கைப் பொடியுடன், பொடித்த தூளையும் போட்டுக் கலந்து இறக்கவும்.
கோமதி ஜானகிராமன்,
சான் ஹோசே, கலிஃபோர்னியா |