வண்ண வண்ணப் பூரிகள்
பச்சைப் பூரி

தேவையான பொருட்கள்
கீரை (ஸ்பினாச்) - 1 கட்டு
கோதுமை மாவு - 2 கிண்ணம்
ரவை - 2 தேக்கரண்டி
நெய் (அ) வெண்ணெய் - 2 தேக்கரண்டி
உப்பு - 1/2 தேக்கரண்டி
எண்ணெய் - பொரிப்பதற்கு

செய்முறை:
கீரையைக் கழுவிப் பொடியாக நறுக்கிக் கொள்ளவும். சிறிது எண்ணெய் விட்டு வதக்கி மிக்சியில் அரைத்து கோதுமை மாவு, ரவை, நெய்/எண்ணெய், உப்பு எல்லாம் சேர்த்து ஒன்றாகக் கீரையுடன் பிசைந்து பத்து நிமிடங்கள் ஊற வைக்கவும். இதைப் பூரியாக இட்டு எண்ணெயில் பொரிக்கவும். தொட்டுக் கொள்ள உருளைக் கிழங்கு மசால் (அ) தேங்காய்ச் சட்னி நன்றாக இருக்கும்.

தங்கம் ராமசாமி,
பிரிட்ஜ்வாட்டர், கலிபோர்னியா

© TamilOnline.com