2011 மே, ஜூன் மாதங்களில் அம்மா ஸ்ரீ மாதா அமிர்தானந்தமயி தேவி அவர்கள் சியாடல், சான் ஃபிரான்சிஸ்கோ-வளைகுடாப் பகுதி, லாஸ் ஏஞ்சலஸ், ஆல்பகர்க்கி,டாலஸ், கோரல்வில் (அயோவா), சிகாகோ ஆகிய இடங்களுக்கு வருகை புரிந்தார். அன்பே வடிவான அம்மா, தம்மைக் காணவந்த ஒவ்வொருவரையும் பரிவோடு அரவணைத்தார். தினமும் ஆன்மீக சொற்பொழிவு, தியானம், பஜனைகள் மற்றும் அம்மாவின் தரிசனம் நடைபெற்றன. ஆன்மீக முகாமில் (retreat) ஆன்மீக மற்றும் தியான வகுப்புகள், தன்னலமற்ற சேவை, பஜனை, அம்மாவோடு கேள்வி-பதில், அம்மாவின் உணவுப் பரிமாற்றம், ஒருங்கிணை அமிர்தா தியானம் (Integrated Amrita Meditation) ஆகியவை நடைபெற்றன.
"மிகச் சிறந்த பக்திக்கு இலக்கணமாகத் திகழ்பவன் பிரஹலாதன். பிரஹலாதனைப் போல் சிறந்த சமர்ப்பணம் உள்ள வேறொரு பக்தனைக் காண முடியாது. நமது பக்தி, 'பார்ட் டைம்' பக்தியாகும். ஏதாவது தேவை ஏற்பட்டால் நாம் இறைவனை நினைப்போம். தேவைகள் தீர்ந்துவிட்டால் இறைவனைப் பற்றி நினைத்துப் பார்ப்பதே இல்லை. நாம் விரும்பியது நடக்காமல் போய் விட்டாலோ நமது நம்பிக்கையை இழந்து விடுவோம். இதுவே நமது நிலை. ஆனால், எத்தனையோ இடையூறுகள் வந்தபோதும் பிரஹலாதன் மனம் தடுமாறவில்லை. ஒவ்வொரு இடையூறு வந்தபோதும் அவனது நம்பிக்கை அதிகரிக்கவே செய்தது," என்பது அம்மாவின் வாக்காகும்.
ஜூலை மாதத்தில் அம்மா வருகை தர இருக்கும் ஊர்களும், தேதிகளும்:
நியூயார்க் 07.02 - 07.04
வாஷிங்டன் டி.சி. 07.06 - 07.07
பாஸ்டன் 07.10 - 07.13
டொரன்டோ, கனடா 07.15 - 07.18
மக்களின் மேம்பாட்டுக்காக அம்மா ஆற்றும் பொதுநலத் தொண்டுகள் பற்றி அறிய: www.amritapuri.org
மேலும் விபரங்களுக்கு: www.amma.org
சூப்பர் சுதாகர் |