ஆகஸ்டு 2010: ஜோக்ஸ்
என்ன சார், தடிமனான ஃபைலைத் தூக்கிக்கிட்டு, பையனோட எங்க கிளம்பிட்டீங்க? வேலைக்கு இன்டர்வியூவா?

அதை ஏன் சார் கேக்கறீங்க! பொண்ணு பாக்கப் போறோம். இதையெல்லாம் பாத்துட்டுத்தான் பொண்ணு கல்யாணத்துக்கு சம்மதிப்பாளாம் அதான்.

கலா ஞானசம்பந்தம்,
மௌண்டன்வியூ


ஒலி வடிவத்தில் கேட்க
- Audio Readings by Saraswathi Thiagarajan



*****




ஏண்டா, ஒங்க ஊர்ல பெரிய பூகம்பம் வந்ததாமே!

ஆமாம். அதுக்கு என்ன?

என்னவா? அதைக் கேட்டே நாங்கள்ளாம் ‘ஆடி’ப் போய்ட்டோம்!

ஹெர்குலஸ் சுந்தரம்,
ஹெர்குலஸ், கலிஃபோர்னியா

*****




அண்ணே நம்ம தலைவர் பழைய விஷயங்களை மறக்கலேனு நினைக்கிறேன்.

எப்படி சொல்றே ?

திறப்பு விழாவுக்கு கத்திரிக்கோல் வேணாம், என்கிட்ட அறுவாள் இருக்குன்னு சொல்லிட்டு முதுகுப் பக்கம் கைய விடுறாரு பாரு.

சரவணன்

*****




மனைவி: என்னங்க! கனவுல நாயா வருது.

கணவன்: அதனாலென்ன, கையில நாலு அஞ்சு கல்லை வச்சுக்கிட்டு தூங்கு.

சரவணன்

© TamilOnline.com