"ம்ஹூம் முட்டைக்கோஸா!” என்று முகத்தைச் சுளிப்பவர்களையும் விரும்பிச் சாப்பிட வைக்க ஓரிரு ஐட்டங்கள்...
முட்டைக்கோஸ் பாஸந்தி
தேவையான பொருட்கள்:
முட்டைக்கோஸ் - 1/4 கிலோ
பால் - 1 லிட்டர்
சர்க்கரை - 200 கிராம்
செய்முறை:
முட்டைக் கோஸை பொடிப்பொடியாக நறுக்கி ஐந்தாறு முறை நன்றாகக் கழுவிய பின் குக்கரில் நன்றாக வேக வைக்கவும். அது ஆறியபின் ஒரு மெல்லிய துணியில் போட்டுப் பிழிந்து எடுக்கவும். ஒரு லிட்டர் பாலை 1/2 லிட்டர் ஆகும் வரை சுண்டக் காய்ச்சவும். பின் பாலுடன் முட்டைக் கோஸ், சர்க்கரை சேர்த்து 1/2 மணி நேரம் கொதிக்க விட்டு இறக்கவும். சூடாகவோ அல்லது குளிர்சாதனப் பெட்டியில் வைத்தோ பரிமாறலாம். சப்புக் கொட்டிக்கொண்டு சாப்பிடுவார்கள்.
ராதா மோகன், டெக்ஸாஸ் |