ஜனவரி மாதத் தென்றல் இதழில் இசைக்கலைஞர் வினோத் அவர்களின் நேர்காணல் சிறப்பு. முதுகலை ஃபிசியோதெரபி முடித்து இருப்பதும், நாதஸ்வரம், புல்லாங்குழல் இரண்டையும் சிறப்பாக வாசித்து, உலகெங்கிலும் கச்சேரிகள் செய்வதும், ஆன்லைனில் பாடம் சொல்லித்தரும் விபரங்களும் படித்தேன். இரண்டு வாத்தியங்கள் வாசிப்பது எளிதல்ல. இசை உலகிற்கு மேலும் பல புதிய முறைகளை விரிவாக்கவும் பழைய பாடல்களை கவனத்தில் கொண்டுவரவும் பணியாற்றிவரும் வினோத் அவர்களின் எதிர்காலத் திட்டங்கள் வெற்றிபெற வாழ்த்துகிறோம்.
அகிலா கோபால் அவர்களுடன் 'மேமத் ஏரிகள்' பயணித்தது போலவே ஓர் உணர்வு. அத்தனை சிறப்பாக இருந்தது. 'அலமாரி' பகுதியில் உலக அளவில் தமிழகத்தின் பெருமையை வெளிக்கொணர்ந்த விஞ்ஞானி G.D. நாயுடு அவர்களின் சுயசரிதையிலிருந்து சிவசங்கரியின் சிறு பகுதி வாசிக்க மிகவும் சுவையாக இருந்தது. தென்றலின் அனைத்துப் பகுதிகளும் அருமை.
சசிரேகா சம்பத்குமார்,
யூனியன் சிட்டி, கலிஃபோர்னியா |