1. 6 + 2 = 128; 7 + 3 = 2110; 8 + 4 = 3212 என்றால் 9 + 5 = ?
2. வெளிநாட்டில் இருந்து வந்திருந்த சங்கரின் தாத்தா அவனுக்கு ஒரு ஷூ வாங்கி வந்திருந்தார். சங்கர், அதுபற்றித் தன் நண்பர்களிடம் பெருமையாகப் பேசிக் கொண்டிருக்கும்போது அதன் நிறத்தைப் பற்றிச் சொன்னான். ராமு உடனே "ஷூவின் நிறம் வெண்மை, சரியா?" என்றான். உடனே சிவா, "ஷூவின் நிறம் நிச்சயம் கறுப்பாக இருக்காது" என்றான். கீதா, "ஏன், ஷூவின் நிறம் வெண்மையாகவும் இருக்கலாம் அல்லது பழுப்பாகவும் இருக்கலாம்" என்றாள். உடனே சங்கர், "நீங்கள் மூவர் சொன்னதில் ஒருவர் சொன்னது தவறு. இருவர் சொன்னது சரி" என்றான். ஷூவின் நிறம் என்ன?
3. 23, 22, 24, 23, 25, 24, ... வரிசையில் அடுத்து வர வேண்டிய எண் எது, ஏன்?
4. போட்டி ஒன்றில் வென்றதற்காக வழங்கப்பட்ட பரிசுப் பெட்டியில் மொத்தம் 1681 டாலர் தொகை இருந்தது. அது, எத்தனை மாணவர்கள் இருந்தார்களோ அத்தனை பேருக்கும் சமமான எண்ணிக்கையில் பகிர்ந்தளிக்கப்பட்டது. அப்படியென்றால் மாணவர்கள் எத்தனை, அவர்களுக்குக் கொடுக்கப்பட்ட தொகை எவ்வளவு?
5. ஒரு கூடையில் ஆப்பிள்களும், ஆரஞ்சும், மாம்பழங்களும் சேர்த்து மொத்தம் 90 பழங்கள் இருந்தன. ஆரஞ்சுகளைப் போல ஆப்பிள்களின் எண்ணிக்கை 3 மடங்கு. மாம்பழங்களின் எண்ணிக்கை ஆரஞ்சைவிட 5 அதிகம் என்றால் ஒவ்வொரு பழவகையிலும் எத்தனை இருந்தது?
அரவிந்த்
விடைகள்1. வரிசை கீழ்கண்டவாறு அமைந்துள்ளது.
6 + 2 = 128 = 6*2 = (12) 6+2 (8) = 128; 7 + 3 = 2110 = 7*3 (21) 7+3 = (10) = 2110. 8 + 4 = 3212; 8*4 = (32) 8+4 = (12) = 3212.
ஆகவே வரிசையில் அடுத்து வர வேண்டியது = 9 + 5 = 9*5 (45) 9+5 (14) = 4514.
2. ஷூவின் நிறம் கறுப்பு என்றால் மூவர் சொன்னதும் தவறாகி விடும். ஷூவின் நிறம் வெண்மை என்றால் மூவர் சொன்னதும் சரி என்று ஆகி விடும். ஷூவின் நிறம் பழுப்பு என்றால் மட்டுமே ஒருவர் சொன்னது தவறாகவும், இருவர் சொன்னது சரியாகவும் இருக்கும். ஆக, ஷூவின் நிறம் பழுப்பு.
3. இரண்டு எண் வரிசைகளின் தொடராக இது அமைந்துள்ளது. முதல் வரிசை 23, 24, 25... என ஏறு வரிசையிலும், அடுத்த எண் வரிசை 22, 23, 24... என்ற வரிசையிலும் அமைந்துள்ளது. இதன்படி அடுத்து வர வேண்டிய எண் = 26.
4. மாணவர்கள் = x; பணம் = y
x * y = 1681
மாணவர்களின் எண்ணிக்கை = பணத்தின் எண்ணிக்கை = சமம் = y = x
x2 = x * x = 1681
x = 41.
மாணவர்களின் எண்ணிக்கை = 41. அவர்களுக்கு வழங்கப்பட்ட பரிசுத் தொகை = $41.
5. ஆப்பிள் = x; ஆரஞ்சு = y; மாம்பழம் = z
x + y + z = 90
ஆரஞ்சைப் போல ஆப்பிளின் எண்ணிக்கை 3 மடங்கு என்றால் x = 3y
மாம்பழங்களின் எண்ணிக்கை ஆரஞ்சைவிட 5 அதிகம் என்றால் = z = y + 5
x + y + z = 90 = 3y + y + y + 5 = 90
5y + 5 = 90
5y = 90 - 5 = 85
y = 85/5 = 17
x = 3y = 3 * 17 = 51
z = y + 5 = 17 + 5 = 22
ஆக கூடையில் இருந்த பழங்களில் ஆப்பிள் = 51; ஆரஞ்சு = 17 மாம்பழம் = 22.