சமீபத்தில் நாலு பேர் இந்தியாவில் இருந்து 430 டாலர் தொகையை ரொறொன்ரோ தமிழிருக்கைக்கு அனுப்பியிருந்தார்கள். பெயரும் முகவரியும் மட்டுமே பணத்துடன் கிடைத்தன. ஆனால் எந்த உந்துதலில் பணம் அனுப்பினார்கள் என்பதைத் தெரிவிக்கவில்லை. அதேபோல பட்ரீசியா லுக்காரெல்லி என்ற அமெரிக்கப் பெண்மணி $300 அனுப்பியுள்ளார். இவருக்கும் தமிழுக்கும் என்ன தொடர்பு? தெரியவில்லை.
ரொறொன்ரோ பல்கலைக்கழகத்துடன் தமிழிருக்கைக்கான ஒப்பந்தம் கையொப்பமானது தெரிந்ததே. தமிழ் மக்களுக்குச் சொந்தமான இந்த இருக்கைக்கு $3 மில்லியன் நிதி தேவை. ஜூன் 30ஆம் தேதிக்குள் ஒரு மில்லியன் சேர்க்கவேண்டும் என்பது இலக்கு. நிதி சேகரிப்பு துரித கதியில் நடைபெறுகிறது என்பதைச் சமீபத்தில் நடந்த மூன்று விழாக்களில் கிடைத்த நன்கொடைகளிலிருந்து அனுமானிக்க முடிகிறது.
கவிஞர் சேரனுடைய புத்தக வெளியீட்டின்மூலம் $26,000 திரட்டப்பட்டது. மெகா டியூனர்ஸ் ஒழுங்குசெய்த விழாவில் சேர்ந்தது $25,000. சரவணபவன் விருது வழங்கும் விழாவில் அளிக்கப்பட்ட நன்கொடை $5000. ஜூன் மாத முடிவுக்கிடையில் ஒரு மில்லியன் சேர்ந்துவிடும் என்ற நம்பிக்கை இப்பொழுது வலுப்படுகிறது.
இணையம் வழியே நன்கொடை அளிக்க:
torontotamilchair.ca
(நன்கொடைகளுக்கு வரிச்சலுகை உண்டு)
மேலும் விவரங்களுக்கு:
தொலைபேசி - 647 625 5228
அ. முத்துலிங்கம்,
ரொறொன்ரோ, கனடா |