கேளு பாப்பா கேளு
கேள்விகள் யாவும் கேளு
நீ எப்படி வந்தாய்?
உலகம் எப்படி வந்தது?
கடவுள் என்பவர் யார்?
கடலில் அலைகள் ஏன்?
கேளு பாப்பா கேளு
கேள்விகள் யாவும் கேளு
காற்று எப்படி வீசுது?
பாட்டு எப்படி வந்தது?
மழை எப்படி பெய்யுது?
மலர்கள் ஏன் மலருது?
கேளு பாப்பா கேளு
கேள்விகள் யாவும் கேளு
ரயில் எப்படி ஓடுது?
மயில் ஏன் ஆடுது?
இரவும் பகலும் ஏன்?
நட்சத்திரங்கள் என்ன?
கேளு பாப்பா கேளு
கேள்விகள் யாவும் கேளு
கேள்விகள் எப்படி வந்தது?
ஞானம் எதனால் வந்தது?
விஞ்ஞானம் வளர்வது எப்படி?
மெய்ஞ்ஞானம் என்றால் என்ன?
கேளு பாப்பா கேளு
கேள்விகள் யாவும் கேளு
உதயசங்கர் |